Heli Huovinen, stuđeren 2016-2017 ja 2019-2020

Joavkočuojaheapmi lei oahpuid okta fiidnáseamos ášši. Dávjá eai leat lanjat, čuojanasat eaige čuojahanskihpárat, nuba lei fiinna beassat čuojahit albma láhkai joavkkus. Millii bázii nannosit maiddái iežas musihkalaš ruohttasiid ohcan. Dat váikkuhii buot dahkamii stuđerema áigge ja oahpahii máŋgga láhkai.

Giella dehálaš musihkas

Musihkkaárbevierru rigguda kultuvrra. Árbevirolaš sápmelaš musihkkašlájat eai leat dušše sámekultuvrra muhto kultuvrra oppalohkái. Buot dáidda ja kultuvrra lea riggodat, maid gánneha hárjehit ja ovddidit iige dušše figgat doalahit heakkas. Dat lea min iežamet vuohki, mas lea guhkes historjá. Ná das galgá leat juoga earenoamáš buorre ja divrras ja dan viisodaga lea dehálaš joatkit ovddasguvlui. Das lea juoga, mii lea buorrin midjiide. Olbmothan liikojit loahpaloahpas buotlágan musihkas ja vuorddekeahtes oktavuođat sáhttet ihtit guhkes mátkegaskkain fuolatkeahttá. Musihkkaárbevirrui gullá mihtilmassan maiddái giella. Anárašgiella ovdamearkan leamašan juo guhká áittavullošaš giella, muhto livđe bokte beassat sisa historjái ja giela ovdáneapmái áiddo musihka bokte.

Boares árbevierru

Oahpuid álggus orui, ahte livđe guoskkahivččii mu. Mu sogas ii vissage lean livđe šat gávdnamis, nuba dat orui gáiddus ášši. Mađi eanet ášši dutkkan dađi eanet das beroštuvven. Marko Jouste kurssat ja girji adde buori fáktavuođu iežas soga musihkkaárbevieru dutkamii. Anna Morottajain, guhte lei mu stuđeantaskibir, hálešteimme ja suoskkastalaime fáttá olu. Jearahallen boarrásut fulkkiidan. Dat sisttisdoalai ieš musihkkatemá lassin eallinmáidnasiid ja buotlágan eallinnuppástusaid ja –muttuid, gitta soađi rájes. Lassin dutken ođđa materiála arkiivvain. Áddegohten oppalašvuođa ja árat sohkabuolvvaid áddejumi musihkas. Jurdda das, ahte musihkka guldaluvvo skierrus ja čuvvojuvvo guldaleaddjiid siste lea oalle ođđa áddejupmi. Musihkka vokála árbevierrogaskaoapmin fas lea hui boares árbi.

Ábi rastá máinnasteaddjin

Lean ohcan nuppi jahkái Ohcejohkii solistalinnjái. Bessen vuosttas jagi áigge buori álgui ja lasseniestti livččii buorre gazzat. Ohppen olu čuojahandáidduid ja juoga bázii millii musihka teoriijasge, vaikke váigat dat muhtumin lei! Ohppen maiddái loaiddastanvásáhusa ja iešsihkarisvuođa. Stuđeren lei almmolaččat čuvgejeaddji ja musihkkaárbevierus ja sápmelaš populárakultuvrras diehtin lea stuorra veahkkin ovdamearkan doaimmaheaddji barggus. Čuovvovaš stuorra prošeakta mus álgá suoidnemánus 2019 go vuolggán Kanádai Beaivváš-teáhtera ja Torontolaš Cree-teahtera ovttasbarggus dahkan operai. Dat šaddá Cree-álbmotmáidnasis ja sápmelaš máidnasis. Mus lea muitaleaddji rolla ja beroštumiin vuorddán, makkár dat lea. Oahpuin lea dásage sihkkarit olu ávki.


Sámi musihkkaakademiija stuđeantamuitalusat