Sámi musihkkaakademiija prošeakta

Sámi musihkkaakademiija čohkke fierpmádaga mii seailluha, nanne ja ovddida sihke árbevirolaš ja modearna sámi musihka birgenláhkin. Fierpmádaga doaibmit leat Sámi oahpahusguovddáš (Suopma), Sámi allaskuvla (Norga) ja Ohcejoga gielda (Suopma). Prošeavtta ruhtadit Interreg Davvi Sápmi, Lappi Lihttu, Sámi allaskuvlla, Davvekalohttaráđđi ja Ohcejoga gielda.

Yhteistyökumppanit kuvina
Saamen musiikkiakatemian logo

Sámi musihkkaakademiija  -prošeakta

Ovdooažžut: Ohcejoga gielda, Sámi oahpahusguovddáš, Sámi allaskuvla

Prošeaktaáigi: 2018-2020

Prošeavtta bušeahtta: 839 390 EUR

Mii lea prošeavtta ulbmil?

Prošeavtta ulbmilin lea dat, ahte Sámi musihkkaakademiijas boahtá bissovaš sámemusihka skuvlejeaddji. Sámemusihkkii laktáseaddji árbevirolaš ja ođđa diehtu sirdojuvvo viidásit sámeguovllus ja dat nanne sámi kultuvrra ja identitehta. Skuvlejumis lea nana deaddu kulturfitnodatdoaimmas ja sápmelaš ođđaáigásaš musihkas, vai oahppit ožžot boahttevuođas barggu musihka suorggis. Skuvlejumiid váldodeaddu lea árbevirolaš ja eará sámemusihka oahpahusaid addimis, earenoamážit árbevirolaš vokálamusihkkašlájaid ealáskahttimis. Skuvlejupmi lea lášmes, dat lágiduvvo soddjilit dárbbuid mielde.

Prošeavttas gárgehit pedagogalaš čovdosiid ovttas Sámi allaskuvllain dasa, mo árbevirolaš sámemusihka sáhttá oahpahit buot ahkejoavkkuide. Sámi allaskuvla bajásgeassinsuorggi oahppiide čohkkejuvvo musihka skuvlenpakeahtta, mii ollašuhtto lagašoahpahussan. Sámi allaskuvllain ovddidit ja ordnet árbevirolaš sápmelaš vokálamusihkkašlájaid gieđahallan seminára, man mihttomearrin lea fállat háleštallanforuma sámemusihkkasuorggi doaibmiide. Seammás dahkat digitála háleštallanfierpmádaga sámemusihkkáriidda. Sámi musihkkaakademiija fállá Ohcejoga sámelogahagas ain eanet sámemusihka kurssaid. Guhkesáigge višuvdnan lea vuođđudit sámemusihkkajoavkku, mii ruhtaduvvo almmolaš ruđaiguin.