Sámi musihkkaakademiija festivála

Vuosttas Sámi musihkkaakademiija festivála ordnejuvvo 29.8.2020 Ohcejogas. Festivála sáhttá geahččat njuolggo sáddagis Sámi musihkkaakademiija YouTube-kanálas. Festivála váldoartisttat leat Sámi musihkkaakademiija oahppit, geat lávkejit lávddi ala iežat solo-prográmmaiguin ja ámmátmusihkkáriiguin. Koronadili dihte eat váldde olbmuid sisa muhto lágidit livestream festivála man streamet youtube kanava bokte.

Konsearttas gullojit sámegielat lávlagat sihke luođit ja livđet árbevirolaš hámis ja maiddái čuojanasaiguin. Sámi musihkkaakademiija festivála fállá ollesbeaivvi livestreamas.

Anna Lumikivi
Laura Tapiola
Heli Aikio
Anna Morottaja
Heli Huovinen
Yungmiqu

Sámi musihkkaakademiija band:
Sami Kurppa, keyboard
Janne Lappalainen, gitára
Sara Puljula, perkussion, kontrabássa
Veli-Pekka Puttonen, bássagitára
Anna Näkkäläjärvi-Länsman, klarineahtta
Annukka Hirvasvuopio-Laiti, duogášlávlun

Prográmma:

15:30 Yungmiqu

Sámegielat ráppema ođđa vugiin fállá Ohcejogas eret lean ráppár Yungmiqu dahjege Mihkku Laiti. Laiti lea juoigan ja lávlon gitta unna gándda rájes ja čuojaha klarineahta ja trumbbuid. Sámi musihkkaakademiijas son lea stuđeren jagiid 2018-2020. Laiti lea háliidan dahkat musihka jo guhkit áigge ja Sámi musihkkaakademiija eará oahppit dorjo ja movttiidahtte su dasa. Mihkku Laiti almmustahtiige vuosttas bihtás “”Lihkus It Dovdda Mu” borgemánus 2019.

16:00 Anna Lumikivi: Nuʹtt kookkas ko čuâǥǥas peštt / Nu guhkás go geaidnu doalvu

Nu guhkás go geaidnu doalvu -konsearta lea čađačuohpastat Anna Lumikivi eallimis. Dan temán lea ráhkisvuohta, bearaš, árbevierru, ráffi ja dásseárvu. Temát govvidit daid áššiid, mat Annai leat dehálaččat, ja mat johtet mielde eallimis nu guhkás go geaidnu doalvu.

Konsearttas gullat bihtáid, maidda Anna ieš lea bidjan nuohtaid ja sániid. Dain oassi lea juo árabut almmustahtton, ja oassi áibbas ođđa ja ožžot vuosttasloaiddasteami dál Ohcejogas. Dát lea maiddái vuosttas konsearta, mas Anna Lumikivi beassá loaiddastit maiddái eanet pop-musihka lágan buvttadeami. Ođđa nuortalašgielat musihkka almmustuvvá hárve, nuba dát boahtá leat dehálaš kulturdáhpáhus. Prográmmas gullat máŋggalágan musihka powerballadain gitta blues- ja argentiinnálaš tangováikkuhusaide. Buot bihtáid goittotge ovttasta ráfálaš oktiiheiven ja stuorralágan dovddut, mat Anna musihkas johtet almmá ruossalasvuođa. Buot bihtát leat nuortalašgillii.

17:00 Laura Tapiola: Máttuid árdna / Esivanhempien aarre

Laura Tapiolan konsearttas gullat luđiid guhkkin doložis, lahka dálá áiggi ja daid gaskkas. Laura Tapiola lea ohcejohkalaš musihkkár, guhte lea vuddjon Ohcejoga guovllu luđiide eandalii Sámi musihkkaakademiija oahpuidis áigge. Tapiola givrodat lea boares luđiid buktin otná beaivái iežas dulkojumis bokte. Máttuid árdna –konsearttas gullat luđiid sihke árbevirolaš mieđuškeahtes, friddja hámis, muhto maiddái heivehuvvon oktii instrumeanttaiguin.

18:00 Heli Aikio: Heli seilâ / Heli sineahtta

Anárlaš lyrihkar ja lávlladuojár Heli Áikio musihkalaš bálggis lea johtán moattelot jagi áigge ee. Aune Kuuva lávlagiid ja anárašgielat sálmmaid bokte ieš dahkkon musihka guvlui. Maŋimuš guokte jagi Aikio lea stuđeren sámi árbe- ja dálámusihka Sámi musihkkaakademiijas Ohcejogas. Oahpuide gullan sohka- ja arkiivadutkamušaid mielde son buktá konseartalávddi ala sogas árbevirolaš livđiid ja maiddái ieš dahkan livđiid ja lávlagiid. Konsearttas gullat ee. Paltto ja Sarre sogaid livđiid ja maiddái oassi Aikio ieš dahkan bihtáin leat oamastuvvon sogaid lahtuide. Oktasaš dahkkin eahkeda musihkkii lea ráhkisvuohta – nu sohkii, dan báikkiide go maiddái románttalaš ráhkisvuohta nuppi olbmui.

19:00 Anna Morottaja: Jieš tot poođij nááimán / Ieš dat bođii gihládit

Anna Morottaja livđe arkiivvaid vuorkkáin ovdal gullokeahtes livđiid. Jieš tot poođij nááimán -konsearttas beassat guovllastit anáraš ráhkisvuođamáidnasiidda, mat leat botkkuhuvvon čuođi jagi boares livđiide. Konsearttas Anna Morottaja mále jienainis sihke oahpes árbevirolaš accappella ja vuosttas geardde joavkku lávlun.

20:00 Heli Huovinen: Love / Logi

Heli Huovinen Love-konsearta čoahkkana bihtáin, maidda son lea bidjan nuohta ja sániid lohkanjagi 2019-2020 áigge stuđeredettiin Sámi musihkkaakademiijas. Huovinen musihkka lea buhtis ja manni pop-musihkka anárašgillii. Bihtát lea áigegovva sápmelaš eallimis jagi 2020. Sánit gieđahallat dálkkádatrievdama, ja olmmošgaskavuođaid ja buot daid gaskkas. Olmmoš sáhttá mátkkoštit, vaikke máilmmi ravdii, muhto vássán áigi čuovvu álo mielde. Kultuvra ja giella sáhttet rievdat, muhto álgovuođus olmmoš ii sáhte lonuhit. Bihtáin muitalat rašis áššiidge, muhto seammá láhkai doppe sáhttá gullat nuorravuođa doalakeahtes ilu ja roahkkatvuođa.

Bealli konseartta bihtáin leat heivehuvvon Sámi musihkkaakademiija jovkui. Bealli konsearttas fas ovddasta eanet elektrovnnalaš linnjá, go ruonáeatnama buvttadeaddji ja DJ Uyarakq addá nuohtaid. Dánsu Janita Rantanen ja mediadáiddár Kevin Francett buktiba iežaska visuála ovdanbuktimis mielde dán oassái konseartta.


Lue myös