Laura Tapiola, stuđeantan 2016-2017 ja 2019-2020

Vuosttas stuđerenjagi fiidnámus ášši lei čuojahanmátki Pariissas. Mátkái vulggiimet musihkkaakademiija joavkkuin. Seammá ávvodoaluin loaiddastedje earret eará badjedási teáhterjoavku, giehtaduojárdáiddárat ja earret eará girjjálašvuođa suorggi dahkkit. Dáhpáhus gulai Suopma 100 -ávvojahkái. In livčče goassige jáhkkán dahkat dákkár reaissu Pariisai! Vásáhus lei váikkuheaddji ja lei fiinnis leat reaissus davvi olbmuiguin. Oppalohkái vuosttas jahki musihkkaakademiijas lei fiinna áigi ja dan vuođul vulgenge stuđeret nuppi jahkái.

Sogaid luđiid gávnan dehálaš

Sogaid luđiid gávdnan leamašan dehálaš. Luođit gávdnojedje fulkkiid jearahaladettiin ja eará áššis diehtán olbmuid háleštemiin. Soga luđiid lassin gávdnojedje maiddái gáidásat fulkkiid luođit. Oassi dain dovdui nu guhkkin, ahte in váldán daid alccesan. Daid oahpahallan lei goittotge somá. Lean dasto loaiddastan daid gávdnon luđiid ja ávkkástallan daid maiddái nuppi jagi oahpuin akademiijas. Luohti ja árbevirolaš musihkkašlájat leat fápmu, mii ovttasta sámi álbmoga: min ášši.

Ávkin bargoeallimis

Dáppe Ohcejogas lea fiinna skuvla ja lea illu beassat ávkkástallat dan. Akademiija oahpuin lea olu ávki bargoeallimis. Lean barggus mánáiguin ja lean ožžon dan bokte sirdit luđiid mánáide. Ii leat iešalddis čielggas, ahte beaiveruovttuin hárjehallet luđiid. Dás lea stuorra váikkuhus ja akademiijas fuobmá, mo luohti lea ealáskan. In pláne musihkkakarrieara gosage dobbelii: lean dás dál ja barggan beaivvi háválassii. Boahttevuođas in dieđe, muhto oahpahemiin barggustan luođi doalvvun dan viidáseappot. Musihkkabajásgeassin lea mu váimmu lahka.

Hástalusat maid

Oahput musihkkaakademiijas lehkko ođđa uvssaid maiddái resurssaid ja vejolašvuođaid dovdamii. Jietnageavaheapmi ja dan vejolašvuođat ja máŋggabealatvuohta lehkko čalmmiid. Lassin dan buktán hástalusat heahkastuhtte: makkár hástalusat jietnageavaheapmái gulletge!


Loga maid Sámi musihkkaakademiija stuđeantamuitalusat