Erke Eriksen, stuđeren 2016-2017

Musihkkaakademiija oahpuid alimus muttut ledje čuojaheapmi olbmuid ovddas. Liikojin das ja čuojaheamis oppalohkái olu. Justa Ohcejogas movttiidahtten maiddái musihka teoriijas ja musihkkateknologiijas.

Saamen musiikkiakatemian opiskelija soittaa kitaraa

Soga luođit inspirerejit ain

Jo ovdal iežan sogan musihkkaduogážii oahpásmuvvama ledjen oalát dohppejuvvon musihkkii. Lei goittotge beroštahtti dutkagoahtit iežan sogan musihkkaárbbi. Álggahin buhtes beavddi alde, go in dovdan sogastan ovttage, geas livččii čanastat musihka árbevirrui. Min oahpaheaddji Marko Jouste lei stuorra veahkkin ja sus ledje báddemat, mat dorjo mu ohcama.  Gávnnahin loahpas, ahte máttaráhku eadni ja vieljat ledje juoigan. Dát diehtu movttiidahtii mu ja dat ain addá movtta.

Mearkkalaš árbemusihkka

Árbevirolaš musihkkašlájat leat ovtta mearkkalačča dego giellage. Dat leat mihtilmas oassi identitehtas ja sápmelašvuođas. Jus juoigan jávkkašii, dat doalvvošii mielddistis stuorra oasi oppa sápmelašvuođas. Háladettiin das, maid oaivvilda leat sápmelaš, de árbevirolaš musihkkašlájaid mearkkašumi ii sáhte vajálduhttit. Buohkaid ii dárbbaš juoigat dahje guldalit dan, muhto árbevierru oaččošii gullot eanet.

Teoriija veahkehii musihkkalogahahkii

Musihka teoriija oahppan lea mearkkašahtti ášši mu oahpuin. Teoriija máhttin veahkehii olu sisabeassaniskosiin musihkkalogahahkii, gos dál stuđeren. Ovttas musihkkaakademiija eará oahppiiguin leahkin, čuojaheapmi ja musihka dahkan bissu mielastan. Lea fiinnis leat olbmuiguin, geat leat seammá áigge beroštuvvan ja movttiidan musihkas. Buot maid ohppen ja čuojaheapmi oppalaččat lei buori vásáhus ja oahpahii olu.

Elebasso fas oahpisin

Oahpuid áigge čuojahišgohten fas elebassoin. Basso mus leige gieđain viehka dávjá ja in livčče árvidange, man suohtas dan lea čuojahit. Ledjen árabutge čuojahan elebasso, muhto dan hávskivuohta heahkastuhtii oalát. Čuojahin musihkkaakademiijas maid trumbbuid, maid čuojaheamis seamma láhkai gávdnui fápmu.


Sámi musihkkaakademiija stuđeantamuitalusat