Anna Morottaja, stuđeren 2016-2017 ja 2019-2020

Ovttas čuojaheapmi ja lávlun ledje mu stuđeantajagi fiidnámus bottut. Joavkočuojaheapmi láidestuvvui álggus gitta loahpa rádjai, nuba vásiheimmet olu lihkostuvvama ja ovttas dahkama ilu. Mearkkašahtti kursa lei maiddái lávlundiimmut dahjege jietnageavaheapmi. Vuosttas diimmu rájes vásihedjen oahppaneallámušaid ja ohppen dovdat buorebut iežan jiena.

Musihkkaárbi movttiidahtii

Dehálaš lei maiddái Láhppon luođi/livđe ohcan -kursa ja soga livđiide oahpásmuvvan dan bokte. Dihten jo ovdal musihkkaakademiija oahpuid sogan árbemusihkka leahkimis. Go dasto oahpuid áigge čikŋon fáddii, healkkehin, man olu soga livđet ledjege! Musihkalaš sohkamuora sárggodettiin maŋimustá čielggai, ahte árbevierru lea hui lahka mu: áddjá sihke ainjuo su oabbát ja vieljat ja su eadni livđededje. In goassige leat deaivan ádjá dahje ádjá eatni muhto livđiid bokte lean dego oahpásmuvvan sidjiide. Árbevirrui vuodjun lei sihkkarit oktan movttiideaddjin álggahit vuosttas livđeskearru dahkama geassit 2019. Áddejin, ahte justa mun galgen dan skearru dahkat, go sohkan lei guoddán dán árbevieru ovdalge.

Musihkka ovttasta olbmuid

Mielastan árbevirolaš musihkka sisttisdoallá dáidaga ja estetihka lassin olu dieđu. Sániin lea sápmelaš filosofiija.  Dain boahtá ovdan, maid áššiid ovdal atne dehálažžan ja maid máŋggain áššiin leat jurddašan. Dál jo oamehas fulkkiid luođit ja livđet rahpet uvssa doložii. Dego bláđešii boares čuovgagovvaálbuma. Árbevirolaš musihkka dieđusge maiddái  ovttastahttá olbmuid. Livđe lei jagi 2019 Ijahis Ijas váldolávddis. Anárašgielat mánát ja rávis olbmot gulle iežaset gillii diibmobeale konseartta anárašgielat láidestemiin. Das lea stuorra mearkkašupmi servošii.

Ávkkálaš oahput

Ávkkástalan Ohcejogas ožžon oahpuid máŋgga láhkai. Stuđerenjahki nannii mu iešluohttámuša ja gárvvistii vuođu mu vuosttas skearru dahkamii. Boahttevuođas lea mihttomearri dahkat nuppi livđe-skearru ja ovttas eará livđejeaddjiin. Fárrui lean smiehttan earret eará Musihkkaakademiijas lean stuđeanttaid. Musihkkaakademiija vuosttas stuđerenjagi áigge čadnojuvvojedje olu oktavuođat sámi musihkkamáilbmái. Dat lea dehálaš, ahte leat oahppásat, geain sáhttá jearrat veahki.


Sámi musihkkaakademiija stuđerenmuitalusat