Sámelogahat ja musihkka

Sámi musihkkaakademiija fállá nuppi dási musihka kurssaid Ohcejoga sámelogahagain. Goappáge bealis lea nana hállu lasihit boahttevuođas musihka ja eandalii sámemusihka kursafálaldaga

Fálaldat 2019-2020

Sámi musihkkaakademiija Ohcejoga sámelogahahkii lohkanjagi 2019-2020 integreren kurssat leat modeardna sámemusihka čuojaheami, lávluma ja juoigama bokte 1-2, čuodjaoččodallan ja teoriija sihke instrumeantaoahput gitáras ja bassos.

Modeardna sámemusihkka čuojaheami, lávluma ja juoigama bokte 1

Kurssa mihttomearrin lea, ahte oahppi oahpásmuvvá sápmelaš musihkkii ja árbevirolaš musihkkii oassin dan. Oassálastimiin musihkalaš doibmii son oažžu vásáhusa sámemusihkas, čiekŋuda iežas čehppodagas ja smiehttá sajádagas sámemusihka tulkojeaddjin ja dahkkin. Oahppi oažžu maiddái vásáhusa árbevirolaš sámemusihka geavaheamis modeardna konteavsttas. Kurssas oahpásmuvvat modeardna sámemusihkkii.

Modeardna sámemusihkka čuojaheami, lávluma ja juoigama bokte 2

Kurssa mihttomearrin lea, ahte oahppi gávdná iežas vuogis doaibmat sámemusihka suorggis. Oassálastimiin musihkalaš doibmii son oažžu vásáhusa sámemusihkas, čiekŋuda iežas čehppodagas ja smiehttá sajádagas sámemusihka tulkojeaddjin ja dahkkin ja ádde dan nuppástuvvama dán áiggis. Kurssas oahpásmuvvat modeardna sámemusihkkii. Oahppi ovddida jietnageavaheamis ja čuojahančehppodagas musihkalaš jurddašeami ja olggosbuktima gaskaoapmin. Kurssas čiekŋudat musihka ja musihkkadoahpagiid dovdama geavatlaš musiseremiin. Oahppi oahppá guorahallat jietnabirrasis ja vuodju gulufuolaheapmái.

Čuodjaoččodallan ja teoriija

Kurssa mihttomearrin lea oahppat musihka teorehtalaš njuolggadusaid ja čuodjaoččodallandáidduid, mat dorjot buotlágan musiserema, musihka heiveheami ja nuohtaid bidjama. Oahppat ee. nuohttašlájaid, intervállaid, čudjosiid ráhkadusa, čuojusjorggihemiid, reálačuojusmearkkaid ja nuohtaid áigeárvvuid. Lassin hárjehallat ritmma ja melodiija lohkama ja čállima sihke guldalit intervállaid ja čudjosiid. Barggadettiin geavahat árbevirolaš vugiid lassin sierra čuojanasaid ja geavatlaš ovdamearkkaid teoriijaáššiid konkretiseremii. Jus oahppis lea nana musihkkateoriija- ja čuodjaoččodallanvuođđu, sáhttá kurssa čađahit maiddái iehčaneaset tentte bokte.

Gitára ja basso

Kurssa mihttomearrin lea joavko- ja/dahje ovttaskasoahpahusa bokte veahkehit oahppi ovdánit gitára- dahje bassočuojaheamis. Mihttomearrin lea ovddidit oahppi čuojahandáiddu ja almmolaš musihkkárvuođa. Mihttomearri lea bealljegullučuojaheami ja improviserema hárjeheapmi ja dábálaš čudjosiid, čuojusjohtimiid, komppaid ja stiilašlájaid hálddašeapmi gulul – nuppiiguin sániiguin njuovžilis, stiillačuovvu ja luovvi mieđuštančuojaheapmi.

Sámi-Music-Academy-teacher-Veli-Pekka-Puttonen

Lassedieđut logahaga kurssain

Veli-Pekka Puttonen

musihkaoahpaheaddji
tel. +358 50 406 3072
veli-pekka.puttonen@sogsakk.fi