SAVE THE DATE Sámi musihkkaakademiija festivála 16.5. Ohcejogas!!!
Festivála váldoartisttat leat Sámi musihkkaakademiija studeanttat geat lávkejit lávdái iežaset soloprográmmaiguin ja ámmátmusihkkariiguin. Konsearttain gullojit sámegielat lávlagat sihke luođit ja livđet árbevirolaš hámis ja maiddái ovttas čuojanasaiguin.
Festiválas gullat maiddái ollu ođđa sámegielat musihka go Sámi musihkkaakademiija dan jagáš ođđa lávlagat ja musihkkavideot ožžot vuosttasčájáhusa.
Sámi musihkkaakademiija festivála fállá olles beaivvi musihkkavásahusa Ohcejogas ja vuordimis dáhpáhusas lea maiddái njalgga biepmu ja márkanat. Sisabeassan lea nuvttá ja festivála lea oaivvilduvvon buot ahkásaččaide.
Čuovo mielde! Lassedieđut bohtet dađistaga.
Lue myös
Festivála sirdojuvvo borgemánnui – Sámi musihkkaakademiijas hárjehallamin konsearttaide
-Lea dieđusge čielggas ahte eat sáhte dán dilis doallat festivála dál giđđat, muitaleaba prošeaktahoavda Kati Eriksen ja njunuš oahpaheaddji Anna Näkkäläjärvi-Länsman. Sámi musihkkaakademiija vuosttas festivála galggai lágiduvvot 16.5., muhto dál lea mearriduvvon ahte dat lágiduvvo borgemánu 29. beaivve. -Eat dieđe velá bessetgo olbmot searvat vai streamejuvvogo, muhto dán birra mii dieđihit dađistaga. Sihkar lea goittot dat, ahte festivála lágiduvvo, joatká Kati.
Read more
Ođđa sámegielat musihka
Sámi musihkkaakademiija studeanttat Aimo Aikio, Heli Aikio ja Anna Lumikivi almmustahttet ođđa lávlagiid maid sii leat ráhkadan dan lohkanjagi áigge. Sii leat buohkat válljenávnnasin dahkan prošeavtta, man áigge leat komponeren, čállán teavsttaid ja ovttas musihkkariiguin bargan heivehusaid bihtáide. Boađusin leat guokte ođđa anárašgielat lávlaga ja okta nuortalašgielat lávlla. Lávlagat álget dál ovdal beassážiid čuodjat Yle Sámi radiosáddagiin ja maŋŋelis giđđat ožžot neahttaalmmuheami.
Read more