Sámemusihkas diehtu golmma gillii

Sámi musihkkaakademiija neahttasiiddut doibmejit dál golmma gillii. -Lei dieđusge čielggas ahte siiddut bohtet sáme- ja suomagillii, muhto mii háliidit juohkit dieđu maid máilmmiviidosaččat, muitaleaba prošeaktajođiheaddji Kati Eriksen ja njunuš oahpaheaddji Anna Näkkäläjärvi-Länsman. -Prošeavtta ulbmilin lea ovddidit sámemusihka áigáiboahtun. Erenomážit olgoriikkalaš mátkkošteaddjit háliidit eanet ja eanet alladását, eakti vásáhusaid ja mii dađe buoret dalle go sámemusihka árbevirolaš ja modeardna hámit, Eriksen joatká.

Vuolggasadjin ođđa neahttasiidduide lei čielggusvuohta, geavaheaddjiustitlašvuohta ja ahte siiddut leat visuálalaččat vuohkkasat čalbmái. Siiddut leat juhkon guđa oassái. Ovdasiidui loktejuvvo ain muhttin áššit ja áiggis oasis muitaluvvo áigeguovdilis áššiin. Sámemusihka oasis gávnnat vuođđodieđuid sámi árbevirolaš ja modeardna musihkas sihke Sámi musihkkaakademiija konsearttain ja prošeavttain. Skuvlejupmi oasis muitaluvvo makkár skuvlejumi Sámi musihkkaakademiija fállá ja stuđeanta muitalusain beasat oahpásmuvvat min stuđeanttaid jurdagiidda skuvlejumis.

 

-Sámi musihkkaakademiija logos fiskes rieggis govve sámekultuvrii gullevaš messetrieggá, man čađa geahčan addiid dorvvu bahás vuoiŋŋain. Hápmi govve maid sámi árbevirolaš musihka, go min árbevirolaš musihkas ii leat čielga álgu iige loahppa, muitala Anna Näkkäläjärvi-Länsman, gii doaibmá maid musihkkaakademiija dáiddalaš jođiheaddjin.

Anna Näkkäläjärvi-Länsman

Siidduid ollašuhttimis lea vástidan Höyry ja gráfalaš hámis lea Höyry ja Karoliina Juhola ovttasbargu. Siidduin oaidná ollu Juha Kauppinen govaid. Logos boahtán fiskes ivdni ja Sámi musihkkaakademiija gráfalaš hámi govvosat leat mihtilmasat siidduide. -Háliideimmet ahte siiddut lea “min vuohkái” ja leat iežamet mielas das lihkostuvvan, prošeaktajođiheaddji Eriksen loahpaha.

Sámi musihkkaakademiija -prošeavttas gárgehuvvo ja luvvojuvvo skuvlenfierpmádat, man ulbmilin lea gárgehit ja nannet sámemusihkka birgenláhkin. Fierpmádaga doaibmit leat Sámi oahpahusguovddáš (Suopma), Sámi allaskuvla (Norga) ja Ohcejoga gielda (Suopma). Prošeavtta ruhtadit Interreg Davvi Sápmi, Lappi Lihttu, Sámi allaskuvlla, Davvekalohttaráđđi ja Ohcejoga gielda.

Yhteistyökumppanit kuvina