Etnosápmi-konsearta Anáris – musihkkaakademiijai iežas luohti

Sotnabeaivve 17.11 musihkka ustibat čoahkkanedje Anára Sajosii. Sápmelaš musihkkaakademiija bođii gitta Ohcejogas ja buvttii guldaleaddjiide fiinnis Etnosápmi-konseartta man bagadalle Katri Kittilä ja Anna Näkkäläjärvi-Länsman. Vuosttamuš háve gulle dál maiddái musihkkaakademiija luođi. Luohti, man Anna Näkkäläjärvi-Länsman lea komponeren, čuojai maiddái ođđasit, encoren, go Sajosa guldaleaddjit eai máššan luoitit musihkkáriid eret lávddi alde.

Árbevirolaš musihkka lei guovddážis, muhto gullojedje doppe maiddái áibbas ođđa bihttát ja varas dulkojumit oahpis bihtáin. Konsearttas lávddi ala bođii maiddái ođđa loaiddasteaddji, go Inger-Anni Valkeapää juoiggai vuosttas háve ovttas musihkkaakademiija olbmuiguin. Son juoiggai máttaráhkus luođi ja Sofia Jannoka Arvas-bihtá. Guldaleaddjit buorástahtte liggosit musihkkaakademiija vuosttamuš jagi oahppi.

Sámi musihkkaakademiija luohti

Ođđa bihtát albmosii

Vuosttamuš háve gulle dál maiddái musihkkaakademiija luođi. Luohti, man Anna Näkkäläjärvi-Länsman lea komponeren, čuojai maiddái ođđasit, encoren, go Sajosa guldaleaddjit eai máššan luoitit musihkkáriid eret lávddi alde. Ođđa bihttá dagai váikkuhusa guldaleaddjiide, muhto seamma láhkai ieš musihkkárat illudedje ođđa materiálas. Okta solisttain Heli Aikio asttai dadjat moadde sáni Sajosa váccáhagas. “Konsearta manai bures, muhto gal lei gelddolaš! Ovdanbukten vuosttamuš háve golbma ođđa bihtá, maid ledjen juogo ieš ráhkadan dahje ledjen fárus heiveheamen sániid. Luodah láppojeh ja Ennamaija-livđe ledje mu iežan bihttát ja dan lassin čállen vearssa anárašgillii Alitjávrái-lávlagiii,” muitala Aikio.

Illu oahppamis, áigetávvala olis

Ohcejogas barge garrasit vel ovddit beaivvege. Akademiija solistalinnjá oahppi Pauli Saijets muitala konseartta maŋŋil, ahte Musihkkaakademiijas dollojuvvojedje dalle generálahárjehusat. Etnosámis Saijets juoiggai, lávllui ja čuojahii earenoamáš lođá-rumbbu. Máinnašuvvon suopmelaš hutkkus muittuha cajona: lođálágan perkussiočuojanassii gullá earret eará smávva rumbu ja ná rumbbu jietnamáilbmái bohte ođđa ollilvuođat. Vaikko hárjehallanáigedávval lei garas, Saijets lea duđavaš bohtosii. Saijets álggahii konseartta ovttas Laura Tapiolain Adjágasa njuoras Ozan-bihtáin.

 

Gealdagassii hárjána

Laura Tapiola lea mielas konseartta álggahan bihtás. “Ozan lea fiinna bihttá ja dan lei illu oahpahallat. In leat árabut loaiddastan konseartta vuosttamuš bihttá, nuba dat buvttii gelddolašvuođa eanet go árabut. Ama gealdagassii vel hárjána, muhto ieš lean loaiddasteamis vel dego njuoratmánná!” čaibmá Tapiola čuovvovaš beaivve konseartta maŋŋá. “Buoremus bottut konsearttas ledje oktasašbihttát, main buohkat musihkkáriin ledje mielde. Anna (Näkkäläjärvi-Länsman) ja Katri dagaiba gal fiinna bihtáid ja “bealljemáđuid”, mat báhcet čuodjat oaivái”, giitala Tapiola.

Ipmárdus, mii guoskkaha

Konsearttas ledje dievva fiinna bottut. Kittilä lei ovttas Anna Näkkäläjärvi-Länsmaniin luovvan fiinna “jietnaláhtteránuid” máŋggajienagiid lávlojuvvon bihtáid vokálaharmoniijain. Anna Morottaja fijuvlla ja Näkkäläjärvi-Länsmana klarineahtta ja bássoklarineahtta adde bastilisvuođa bihtáide oppa konseartta čađa. Go sagastallat konseartta fiidnámus bottuin solista Saijets movttáska rámidit skuvlaskihpáriiddis.

“Juo vuosttamuš hárjehusain Anna Lumikivi ja Anna morottaja loaiddastan Mari Boine bihttá Soria Moria Palássa láktadii čalbmečiegaid. Mis leat guokte lávlu duođaid fiinna jienaiguin ja Kittilä komponeren gudnejahttá álgovuđolaš bihttá”, Saijets govvida konseartta. “Anna Morottaja oaidnin lávddis lea fámolaš. Sus lea áddejupmi musihkas ja birrasis, dasa lassin karisma ja čehppodat. Stuđerenguoibmin son maiddái juogada mielas dieđu” Saijets muitala.

Loahppatávttat mieđustedje ođđa hástalusaide

Ođđa kurssat hástalusaidisguin álge akademiijas seammás go Etnosápmi jaskkodii. Ođđa vahkku álggahuvvui árbevirolaš musihkkabihtá nuohtabidjankurssain. Lassin oahpuin joatkašuvvet joavkohárjehusat ja iežas buvttadeami duddjon. Ohcejogas galledit maiddái Guovdageainnu Allaskuvlla mánáidgárdelinnjá oahppit, geat oahpásmuvvet musihkkii bajásgeassima viŋkilis.

Anna Näkkäläjärvi-Länsman


Loga maid