EtnoSápmi fuusio Sajosii

Sámi musihkkaakademiija buktá Anára Sajosii ođđa biekkaid Etnosápmi-konseartta hámis. Árbevirolaš sámi musihkkašlájat ovttastuvvet etnomusihkain lávga oktiisuddamin, gos skádjet bossunčuojanasat, dávgečuojanasat ja olu eará. Jienas leat maiddái golbma sierra sámegiela. Prográmma lea plánen ja bagadan akademiija oahpaheaddji Anna Näkkäläjärvi-Länsman ovttas musihkkaoahpaheaddji-komponista Katri Kittiläin.

Katri Kittilä movttáskii doibmii jurddabáji bokte. Etnomusihkka váldá váikkuhusaid sierra álbmotmusihkkašlájain ja stiilla lea oalle friddja. “Guldaleimmet solistalinnjá oahppiid jurdagiid ja hutkkaimet ovttas. Čohkkiimet prográmma, mas leat miellagiddevaš bihttát, teavsttat ja dovddut buot golmma sámegillii.” Konseartagussiide lea dál boahtimin rikkis ja máŋggabealat musihkkačájáhus. Iežas áidnalunddot lasáhusa buktá earret eará Anna Näkkäläjärvi-Länsman komponeren luohti musihkkaakademiijai. “Čuojahanprográmma lea dahkkon máŋgga beali mielde. Álggaheimmet smávva fuomášumiin ja čuojahanmuttusge leat hutkan geažos áigge. Ovtta muttus prográmma smiehtadettiin mu millii báhcai jurdda bihtás ja sáddejin dan Annai. Son komponerii dan vuođul bihttá, masa oahppit bidje sániid. Šattai bihttá, mas lea golmma sámegillii dahkkon muitalus” Kittilä muitala konseartta riegádanmuttuin.

Hárjehallanoasit ledje lávga. Kittilä doaibmá Avvilis musihkkaoahpaheaddjin ja mátkki dihtii taktihkkan lei intensiiva hárjehallan. Áiggi ii ožžon duššadit, go joavku lei čoahkus. “Čoahkkaneimmet álo Ohcejohkii hárjehallat ja hutkat. Doppe lanjat ja dovddut leat buorit. Doppe dasto čuojaheimmet máŋga diimmu ovttatmano!”, Kittilä muitala. Hárjehallanvahkuloahpaid lassin oahppit barge prográmma iehčanassii. Seammás go sololoaiddasteamit čilge de álggii iešheanalaš bargan ja hárjehallan

Oahput ja ideaid juohkin leamašan vuođđun olles Etnosápmi-konsertii. Kittilä stuđerii aiddo Sibelius-Akademiijas álbmotmusihka ja oahpuid mielde millii badjánedje ođđa jurdagat musihkkii. Son háliidii juohkit daid musihkkaakademiijas oahpahan ustibiinnis Anna Näkkäläjärvi-Länsmaniin. Son movttiidii Kittilä muitalan ideain ja nu jurdda etno ja sámemusihka laktimis cahkagođii. Musihkkaakademiija lea šaddan oahpisin Kittiläi aiddo Anna Näkkäläjärvi-Länsman bokte ja akademiija varrasamos čuojaheapmi lea dál vuosttas geardi go Kittilä ovttasbargá akademiijain.

“Ovttasbargu leamašan oalle somá ja prošeakta geasuheaddji. Sápmelaš musihkkii heivejit nu máŋggalágan stiillat ja čuojanasat. Maid čoaggit ja mainna mieđuštit luođi? Lei valljivuođa váttisvuohta ja máŋggat gažaldagat. Vaikke maid livččii sáhttán ovddidit. Gávnnaheimmet goittotge garvit árbevirolaš rockjoavkku stiilla.Dan sadjái bargat akusttalaš stiillain ja lahkonat musihka njuolga bihtáid bokte. Ná rukses láigi seailu almmá dan gummát temá haga”, Kittilä geassá oktii.

Kittilä lávke Etnosápmi-konseartta mielde ođđa viidodahkii. Árabut son lea komponeren ja heivehan eandalii koarai ja musihkkaoahpaheaddji barggus fas guovddážis lea joavkočuojaheapmi skuvlačuojanasaiguin. Heivehanbargu ođđalágan čuojanasaide leamašan sihke miellagiddevaš ja hástaleaddji. “Mis lei mielde earret eará mandoliidna ja fijuvlla. Mus ii leat dássážii leamašan jurddabihttáge das, mo galgá heivehit fijuvlii. Mielde joavkkus ledje lassin bossunčuojanasat nuba dál lea sáhka joavkkus, mii čuodjá áibbas iežas vuogi mielde. Árbevirolaš sápmelaš musihkkašlájat heivejit njuovžilit oktii bassoklarineahtain ja hárpmoniin”, logahallá Kittilä movttegit. Heiveheamis leat váldán vuhtii maiddái dovdduid ja stiilla, maid figgat fáhtet. “Heivehin ideaid sierra gielat bihtáide. Muhtun bihtát fas leat huksejuvvon nu beliid, ahte pop-bihtás lea hábmejuvvon etnobihttá.”

Sámi musihkkaakademiijas lea čavčča áigge huksejuvvon áibbas ođđa prográmma oanehis áigetávvaliin. Badjelmearálaš čiŋaheapmi ja dušši smiehttan guđđojuvvui eret johtilit. “Leat leiken duođaid buori vuođu, ja livččii fiinna joatkit dás ovddasguvlui. Sápmelaš dálámusihkka lea máŋggalágan, ja dát maid dál bargat lea áidnalunddot. Buot golbma giela leat mielde ja solisttat leat duođaid čeahpit lávlut eará gielaiguin. Lassin joavkku čuojahan bihtát leat máŋggabealagat”, Kittilä dadjá. Son atná fuola máŋggabealatvuođas áibbas geavatlaš dásis: dárbbu mielde multi-čuojanasčeahppi dohppe juogo basso dahje gitárra gihtii, dahje čuojaha hárpmoniin dahje piánoin.


Loga maid - Sámi musihkkaakademiija stuđeantamuitalusat